DAMCHHAN kan damchhan hi tute pawh han inzawt ila kan chianglo viau zel a;kan

DAMCHHAN kan damchhan hi tute pawh han inzawt ila kan chianglo viau zel a;kan damchhan man fuh hi chu kan tlem hle in a lang. Ni e , mihringte hian kan damchhan hi kan hre mumal lo a kan ngaihtuah ngai lemlo bawkin a lang. He khawvelah hian tu khaw hriat lohin kan lo piang ve ah te poh kan inngai fo thin a ni(heihi broken family atanga chawrchhuakah a tam bik).Pathianin duh taka a siam kan nih kan inhriat nawn fo a pawhmawh hlein ka hria. “Aruka siama k awma,Lei hmun hnuaihnung bera mawi taka siama ka awm lai khan ka ruhrel chu I lakah thupin a awm lo, ka riruang la famkim lo chu I mitin a hmu a, I lehkhabuah chuan ka peng zawng zawng hi ziah vek a ni.” Mi pangai angin kan lo thanglian ve a;mi te tih ang ti vein zirna inah te kan lut ve rawih a:thenkhat zirna lama tui deuh leh sum ngah deuh ten an zir sang a,sum lama harsa deuh leh thiamna pan deuh ten kan zir tawi deuh mai zawng a nih hi(sum tamtak seng a zirna hian thiamna tak tak hring chhuak zolo tih kan hriat a hun ta,Lalpa tih hi finna bul chu a ni).Lehkha thiam leh hmelhriat nei tha deuh ten hna tha leh sang an thawk a,lehkha thiamlo deuh leh hmelhriat nei lemlo tan chuan hna han thoh mai tur pawh a vang ta. Mi nawlpui hian hlawhtlinna kan tehna hi sum leh pai ngahah a innghat ta vek a heihi kan damchhan ber ni te pawhin a lang; Mi tu emaw rinawm taka hna thawk mahse hausa lemlo te ai chuan mi chan ai eiru(corrupt) a hausa te hian kohhran leh khawtlangah pawh ngaihsan an hlawh ta zawk zel bawk niin a lang ta a ni. Heng kan sawi tak te hi khawvel kalphung a nih miau avangin mi tu te pawh hian kan damchhan tak ngaihtuah mumal lo hian khawvel lamah kan theih tawk a in haivur ve tumin kan buai bak leng reng a ni. Tunlai khawvel ang hi khawvel kalphung pangai tura siamtu duan ni ta se a va hrehawm dawn em;mi chaklo leh mi hnuaihnung te tan chuan a siamtu dem viau theih niin a lang a ; thenkhat tan erawh chuan lawmna tur hlir a ni thung ang. Amaherawh chu hetiang sum leh pai leh khawvel hmingthanna te hi kan damchhan a ni meuh em;ni ta se mi rethei ten hlimni an hmulo a nga, mi hausate an hlim reng bik dawn a ni mahse Mi rethei an lungngai reng lo ang bawkin mi hausa pawh an hlim reng chuanglo; chuti a ni si chuan enge kan hlimna leh damchhan chu ni ta ang? TLANGKAWMNA: Kan damchhan hre tur hian Bible chuan chhana famkim min lo pe reng mai “Engkim hi amah atang leh amah avang leh amaha tanna siam a ni” .Ni e kan damchhan chu min siamtu tanna nun hi a ni tawp mai a ni. He khawvela mi hlim leh mi lungawi te chu he nun hrefiahtu te hi an ni. Sum leh pai leh khawvel hmingthanna in an nunah buaina leh harsatna a thlen ve ngai tawh lo a, an tan chuan an siamtu tana nun mai hi a tawk a ni. Nang leh kei pawh hi lalpa tanna siam kan ni a, a tanna nun hi kan damchhan a ni tih I hre thar leh ang u.